ဇူလိုင် ၁၃၊ ၂၀၂၅
Shy V (VOM)
ကျောက်မဲမှာ ဇွန်လနှောင်းပိုင်းမှ စပြီး လေကြောင်းတိုက်ခိုက်မှု ခုနှစ်ကြိမ်ဖြစ်ပွားခဲ့ကြောင်း ဒေသခံတွေဆီက သိရပါတယ်။
“ကျောက်မဲမှာ လေကြောင်းနဲ့ ဗုံးကြဲ ခံရတာ ခုနှစ်ကြိမ်ရှိပြီ။ ဇွန်လ ၂၉ ရက်နေ့က နေ့လယ်ရော ည ရော တစ်ရက်ထဲကို ၂ ကြိမ် ဖြစ်တဲ့ ဟာလည်း ရှိတယ်။” လို့ ဒေသခံ အမျိုးသား တယောက်က ပြောပါတယ်။
ဇွန်လ ၂၄ ရက်နေ့က တကြိမ်၊ ဇွန်လ ၂၇ ရက်နေ့က တကြိမ်၊ ဇွန်လ ၂၉ ရက်မေလက ၂ ကြိမ်၊ ဇူလိုင်လ ၅ ရက်နေ့က တကြိမ်၊ ဇူလိုင်လ ၈ ရက်နေ့က တကြိမ်၊ ဇူလိုင်လ ၁၁ ရက်နေ့က တကြိမ်နဲ့ ဒီနေ့ ဇူလိုင်လ ၁၃ ရက်နေ့က တကြိမ် ဖြစ်တယ်လို့ သူက ပြောပါတယ်။
“ဒီနေ့ ဇူလိုင်လ ၁၃ ရက်နေ့မှာတော့ ပိန္နဲကုန်း အိမ်တအိမ်ကတော့ အိမ်ရှေ့တည့်တည့်ကျတယ်။ အဲဒီ အိမ်တော့ တော်တော် ပျက်စီးသွားတယ်။ ကျန်တဲ့ ဘေးနားအိမ်တွေတော့ မှန်ကွဲတာတို့ ပြတင်း ပေါက် ယိုင်တာတို့ ကဖိုးပဲ့တာတို့ ရှိတယ်။ ကျား ၅ ကောင် အနောက်ဘက်မှာလည်း ကျတယ်။ လူ အထိ အခိုက်မရှိဘူး။ ကား ထိခိုက်တာ တွေ့ရတယ်။” လို့ ဒေသခံ တယောက်ကလည်း ပြောပါတယ်။
ပိန္နဲကုန်း ကျေးရွာမှာပဲ သုံးနေရာကြဲသွားပြီးနောက်ထပ် မန့်နား နဲ့ ကျောက်တောင် အစပ် အမက ၁၃ ကျောင်းမှာ တနေရာကြဲသွားတယ်လို့သူက ပြောပါတယ်။
ဇွန်လ ၂၄ ရက်နေ့ ကနေ ဇူလိုင်လ ၁၃ ရက်နေ့အထိ VOM က ရရှိ သိရှိထားတဲ့ စာရင်းအရ လေယာဉ်ဗုံးကြောင့် လူ ၈ ယောက်ခန့် သေဆုံးခဲ့ပြီး အယောက် ၃၀ ဝန်းကျင် ထိခိုက် ဒဏ်ရာ ရရှိထားေကြာင်း သိရပါတယ်။
Photo Crd# ဒေသခံ
